الحب الأول

سم الله الرحمن الرحيم

\
/
\
/

الحب... ياسلام


كلمه جميله...تلفت النظر...وأكيد له معانى كتيييييير

بس النهارده حا نتكلم عن النوع اللى محير الكل

ايوه.. ..

افتحوا قلوبكم....وكمان عقولكم...وتعالوا..يا أخواتى...ويا إخوانى


حاسه انى عاوزه أقول لكم كلام لأنى خايفه عليكم قوى

يمكن علشان بأفكر فى نفسى..وفى صحابى..وفى شباب وبنات المسلمين..اللى فى الشارع..واللى فى الجامعة...وأبصلهم .. وأقول..

يا ترى شايفين الحب إزاى...
وأطفالنا..وإخواتنا الصغيرين..لما يكبروا..
يا ترى ..هايشوفوا الحب ازاى؟؟؟

.....


بالفطره


....ربنا خلقنا كده...

هو يميل الى هى

وهى تميل الى هو

هى....فى أحلام يقظتها فارس نبيل....وسيم. ..طويل...يأتى على الحصان الابيض

هو فى أحلام يقظته فتاة جميله...كالقمر..رقيقه....رشيقه...رائعه...يسير معها على شاطىءالبحر

عادى ...من حقك تحلم....هو حد يقدر يسجن خياله!!

هو حد يقدر يفرمل أحلامه!! ..دى ماشيه لوحدها...مش بارادتنا

شىء مش بايدك...بس فى ايدك حاجات تانيه.....لازم تعرفها كويس

لأننا فعلا ممكن نغير أحلامنا...ونشكّلها ..صح


.....

أول النار. ..شراره


فى حفله...أو فرح...أو فى الكليه...أو فى الشارع....لأ دى من العيله...يعنى بنت عمى....أو بنت خالى..

كان حنفى شراره... ..فى نفس المكان.....

شافته..أو شافها.....لمحه واحده بس...((أول نظره))

والله ملتزم.. ..حتى هى محجبه.. ...ومابصتش تانى....

غضت بصرها...وغض بصره......بس هو الاختلاط

أمال ايه الحكايه

الله...انتوا ما تعرفوش انه كان مستنى اللحظه دى!!وقاعد من زمااااااااااااااااان يترقبها!

هو مين!!.......حا تعرفوه لوحدكوا

طبعها بالكربون...اللى كانت فى خياله
لأ...حلاّها أكتر و أكتر....

واستخدم مؤثرات صوتيه ..(( حبيبى يا نورالعين يا ساكن خيالى ))

وكمان صورها فيلم ..((فيديو كليب....))

لأ....حتى نجوم الليل و القمر...والهوا اللطيف اللى بيسلم علينا كل ليله...ويلمس خدودنا علشان نحس بنعمة ربنا علينا.....خلاه يحس انه من عندها!!

....

وبعدين


ورسم على الشجره قلبه و قلبها

وغنى لعيونها و هو ما يعرفش حتى ايه شكلها

وسرح مع موج البحر رسم على الرمله قلبه و قلبها

وحول حياته لمقبره أيوه. ...مقبره....بس مقبره شكلها من بره حلو قوى

مدفون فيها وقت...وعمر.....وعمل....وقلب مجروح و بينزف ....واحتمال فى أى لحظه يموت ..

.......


غسيل مخ


عمله غسيل مخ.. ...خلاه ينام...يحلم بيها...وعمل له مونتاج. ..وركب صورة وشها على جسم ((فتحيه بلاطه)) و هى بتغنى فى أغنيتها الاخيره. ..

وصورته على وش الموديل اللى كان معاها. .....فبقى كل يوم بيعيش أغنيه
((كذابه ))

...وحلم ((كذاب))...

خلاة يحس ان هو اللى بيغنى... ..وانها بتسمع كلام الاغنيه منه. ..وكان فرحان قوى....وهيمان.....وفجأه تحول حنفى الى انسان كسول .. مجروح....حزين...
وكل ده اخراج.....المخرج..



((شيطان ناجح جدا ))
عرفتوه بقى


طب...طب....ليه عمل فيه كده؟؟وايه الفايده. ..؟؟وليه بقى حزين...وما فضلش سعيد ليه؟؟

تعالوا معاى...علشان تعرفوا ليه بقى فى الاخر حزين

......


الاول

ما اسمهوش الحب الاول .. ...سيبكم من كلام الاغانى و المفسدون .....
منهم لله.....حسبنا الله و نعم الوكيل

دى يا أخواتى وإخوانى ..اسمها ((الفتنه الاولى)) ....يعنى بيبقى قلبك زى الفل..ولأنك كبرت..واتغيرت...ومشاعرك نضجت....بتحس ان فيه حاجه جديده
الدنيا بقت حلوه . ..وردى...وردى...وردى..وردى.... وردى

وبقت القلوب فى كل مكان....على الكشاكيل ...وميداليات....وعلى الكروت...وسلاسل. .وأساتيك.....وشنط...وهناو هناك . ...


واديله بقى ((أغانى أم كلثوم...وعبد الحليم حافظ))

أصلها بتيجى على الجرح. ..وبتساعد فى اقناع العقل بوجود الحلم....مع انه فى الاصل حلم

حد يعذب نفسه بنفسه!!

حد يفضل يشم فى الاكل اللى ريحته واصله من عند الجيران...وهو عارف انه صايم ...ومش حا يأكل الا لما المغرب يأذن!!وكمان ما يقدرش يسرق أكل من حد!!
ما هو أصل الموضوع كده

انت صايم. ..وانتى صايمه .. .وماينفعش تشموا ريحه أكل حد
اصبروا على الصيام شويه.....لحد ما أذان المغرب يؤذن...ويأذن الله تعالى
ساعتها حا تفطروا...والاكل...((الحب)) حا يكون طعمه حلو قوى....لأنه
((حلال))....وفى مكانه... .

......


فكر شويه


يعنى ايه الكلام ده.. . ..
هو انتى يا ملك ما بتسمعيش ان الحب بعد الجواز مش موجود
وان الخطوبه أجمل فتره فى الحياه
وان...وان...وان

مين اللى قال.....برده...كلام المفسدون. ..فى الحوارات العجيبه.....
هو الحب ورده. ..وقلب. ..وغنوه. ...ونيل و هوا و ميه!!!

لأ....الحب بيترجم لأفعال ايجابيه....يمكن مش بتشوفوها....البسوا معاى نضارة ملك . . ..بالاشعه الفوق المعنويه ...واتفرجوا معايه


.....

نظره جديده


طب قولوا انتم...بلاش أنا
بابا و ماما

طول النهار قدامكم...صح؟؟....فاكرين يوم ما بابا اتأخر...لما كان مسافر ....ماما وقفت ازاى تستناه...رايحه جايه. ...بصيتوا لوشها....شفتوا

الخوف. ..والقلق...والفزع...سمعتوا دقات قلبها و هى خايفه.....
ما هو ده الحب....انك تخاف على حبيبك من الخطر..

شفتوا بابا و هو شايل شنطة سفر...ومعاد الطياره بعد ساعه.. .وقلبه بيتقطع و هو بيبوس راس ماما.....وبيمشى و دموعه بتجرى على خده (أول مره تشوف بابا بيعيط)

ما هو ده الحب......انك تكره فراق حبيبك

فاكر لما ماما كانت عيانه....وحرارتها عاليه. ...وبابا واقف فى المطبخ بيعمل الاكل بدالها...وهو راسم على وشه بسمه....بسمة حنان و عطف عليكم...بس مخنوقه...مخنوقه بألم...


ما هو ده الحب برده...انك تتألم لألم الحبيب
شفتى بابا لما مر بظروف صعبه...أد ايه كانت ماما واقفه معاه....واستحملت حاجات كتير...ما هو ده الحب برده...على الحلوه و المره

فاكر لما ماما فضلت واقفه تصحى بابا علشان صلاة الفجر. ...وراسها كانت بتقع....وفضلت لحد ما قام و صلى ....ما هو ده برده الحب.....انك تخاف على حبيبك من نار جهنم((مش تكون سبب فى دخوله نار جهنم... ..))

يبقى الحب...حنان...وموده...ورحمه....موجود جوانا فعلا...مش محتاج أغانى و هباب و فيديو كلاب...حا يطلع حا يطلع. ..

بس لما نسمع كلنا الاأذان

.......


النور


يا سلام....حاجه حلوه انك تعمل حاجه فى النور.
...قدام كل الناس...من غير ما تستخبى

أصلك عارف انك صح...وانتى عارفه انك مش بتعملى حاجه غلط.....

أمال مين بيستخبى..((الحرامى ))اللى بيسرق حاجه مش من حقه....

وخايف لأنه غلط فى غلط....حتى أحلامه غلط.....فبيخجل يحكيها

طب....ربنا يعلم ما فى الصدور.......

يا ترى جوه صدرك....ظلام... .ولا..نور؟؟

يا رب يبقى نور فى نور

ألا بذكر الله تطمئن القلوب



يعنى أحبس نفسى و أعيش فى تلاجه!!

ما هو الظروف معروفه....ولسه مشوارى طويييييل.

...ولسه على ما أكون نفسى..طب أعمل ايه فى نفسى.....يعنى أعيش فى تلاجه!!

حتى لو حاولت....مش حاأقدر أبقى على طول فى التلاجه

أيوه...عارفه ان المشوار طويل...ويمكن لو عجبتك ((ستوته )) تتخطب و تتجوز و تخلف و انت لسه بتكّون نفسك..

يبقى انت فى الحاله دى خسرتها....وخسرت أحلى سنين عمرك لأنك ضيعتها فى أحلام سلبيه...ولا بتودى و لا بتجيب...


قصدى بتجيب سيئات بس ...وبتدبح القلب لما تحس انك خسرت المعركه اللى كنت شايف انها معركة حياه أو موت لقلبك الرقيق.....وبيفضل قلبك مجروح.. .ولو مريت فى حياتك مع زوجتك فى المستقبل بأى مشاكل حا تلاقى شماعه كبيره
انتاج مصانع ((وساوس الشيطان)) ...تعلق عليها كل حاجه

أصلها مش فتاة أحلامى

أصلها مش حبى الاول

وبالمفتاح الكبير بتاع شيطون بيفتح لك الباب الاسود
(((((لو))))))) لو كنت اتجوزت ستوته ..

كنت حا أبقى أسعد
كانت حا تفهمنى
كانت حا تسعدنى

أصله شاف الزواق اللى من بره بس....ولا صحيح...ممكن يكون ما اتكلمش معاها أصلا..ولا عرف شخصيتها.....((معلش أصلى نسيت ان المخرج شيطون طبع الصوره و كمل باقى مسلسل الوهم من عنده))

ودى النهايه يا أخواتى ويا إخوانى
بقى حزين... .بعد ما كانت بداية الرحله...قلب بيرقص....ودنيا ايه....فاكرين
وردى...وردى...وردى...

قصدى

بمبى..بمبى..بمبى بمبى

عارفه ان ستوته فيها مميزات كانت عاجباه. ...لكن كل انسان فيه مميزات. ..وعيوب. ...والحب هو نجاح التفاعل الكيميائى بين مكونات الزوج و مكونات الزوجه...مهما كانت المكونات دى....مش شرط تركيبه معينه....
لأن الموده و الرحمه...هى السبب الاساسى فى نجاح التفاعل

خلى عندك بعد نظر

حافظ على قلبك
حافظى على قلبك

ده ما فيش زيه...اوعى حد يكسره...واوعى انت تكون اللى كسرته ...((الله يسامحك))

رفقا..رفقا....حاول تساعده علشان يفضل خام ...وجميل

بطل تشم روائح كذابه...غض بصرك ....وافتكر دايما شكل الحور العين((يا ترى قريت عنهم. .))

وطول ما انت صايم عن المعاصى. ...حا يفضل قلبك سليم...ولما يأذن الله بالحب
حا يكون طعمه جميل

وساعتها حا نقول كلنا((صوما مقبولا وافطارا شهيا ))

فكر فى بكره....هنا....وفى الاخره

ما تخليش منظارك أعمى....بيشوف بس تحت رجليه


أنا الموضوع عجبنى أوى أوى وطبعا قلت لنفسى لازم افيدكوا به
يارب يعجبكوا وأنتوا كمان انشروه على قد ما تقدروا

أنا ما اقتنعت بالحب الا بعد الزواج
فعلا كلام جميل ورائع أتمنى كل الشباب والصبايا يفهموه منيح
انا متزوج وابصم بالعشرة انو الكلام مزبوط
ومهما تخيلنا وعشنا حلم اسمو ستوتة أو ستوت راح يبقى حلم
وهادا الحلم اذا ما عرفنا نتحكم في للأسف حنكون الوحيدوين الخسرانين
وحتكون ستوتة او ستوت عايش حياتو ومش سائل ولا حتى بيحلم فينا
سبحان الله القائل : وخلقنا لكم من أنفسكم أزواجا لتسكنوا اليها . . . صدق الله العظيم

الحب بعد الزواج هو مشروع ناجح 100 % فقط اذا قررنا ذلك
اخواني واخواتي
انا الحمد لله بعيش أحلا قصة حب وما عرفتها الا بعد الزواج

مش عارف أعبر مزبوط
لكن الملخص
الحب هو الإرتباط والعائلة والأخوة



أتمنى كل ناس يعيشوا في حب صادق مكشوف ومش مستخبي متل الحرامية


تسلمي على هيك موضوع وكتر خيرك
فعلا موضوع جاي بوقتو ويستحق انو ينتشر
شكرا وجزاك الله خير

كلام رائع جدا و أكيد و اسلوب متميز في العرض و الإقناع لأي شخص يشك في كده لازم يقتنع لأن هي دي الحقيقة

بسم الله الرحمن الرحيم
إن إختزان طاقة الحب في قلبك إلي زوجتك أسمى معاني الوفاء ، ولتقول في نفسك أي زوجتى لقد حرمت نفسي لأجللك عمرا
فحفظت عيني عن ملك غيرى وأما قلبي فقد أخليته إلا منك ، و أما باقي جوارحي فهي لك وحدك لم أفرط فيها لغيرك ، طال البعاد يازوجتي أو قصر ، أنا لك وحدك طاعة لربي .
فكوني لي وحدي ولا تتسامح في قلبك ومشاعرك أو غيرهما لغيري فإن الله يرى و الله يحب الصابرين .

شكرا جزيل لأختنا الفاضلة علي العرض الشيق و المقنع لهذه القضية الأساسية في حياتنا كشباب

والله كلام جميل لكن يارب نعمل بيه او نقدر نعمل بيه

والله كلام جميل لكن يارب نعمل بيه او نقدر نعمل بيه