جني
ẪĎμϊή
عدد الرسائل : 378
العمر : 42
تاريخ التسجيل : 01/02/2009
 |  موضوع: حملة أنا مش سلبى 2  الجمعة مارس 20, 2009 6:51 am | |
|
شلبي بيسلم عليكم كلكم و بيقولكم على التصرفات السلبية اللى كان بيعملها و مكنش واخد باله و بطل يعملها خلاص:
=-=-=-=-=-=-=
1 - إنه بيصحى من النوم علشان يصلى الفجر و مبيصحيش حد فى البيت مع إنه مش هيخسر حاجة لو صحى أسرته.
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=
2 - سكوت السكان على البواب مع إنه مطلع عينيهم و قارفهم فى عيشيتهم مع إنهم ممكن يحذروه و لو رفض إنه يتعدل يمشوه.
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=
3 - إستحمال شلبى للواد كريم اللى بيدخن فى الأسانسير مع إنه مكان مقفول و صعب التنفس فيه مع إنه ممكن يقوله بلاش تدخن فى الأسانسير علشان الأطفال و الناس الكبيرة فى السن .
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=
4 - رمى شلبى للأكياس فى الشارع دون أن يكلف نفسه و يدور على مكان يرميها فيه مع إنه المفروض إنه يشيلها معاه لحد لما يلاقى باسكت و يرميهم فيه.
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=
5 - ركوب شلبى للتاكسى و إستحماله للإزعاج اللى مشغله السواق مع إنه ممكن يطلب منه بأدب أنه يطفى الكاسيت أو على الأقل يوطي الصوت شوية و إذا رفض سواق التاكسى إنه يوطى الصوت فممكن شلبى ينزل بإحترامه.
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=
6 - المفروض إن سواق التاكسى يوصل اللى راكب معاه من البداية الأول و لو حب إنه يركب ناس تانى معاه لازم يستأذن من الراكب الأول و للراكب الحق أن يرفض أو يقبل. و إذا رفض فعليه إنه يقول للسواق إنه مستعجل أو إنه يوصله الأول و إذا رفض السواق فممكن ينزل بكل هدوء.
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=
7 - بالنسبة للأجرة فهى معروفة تقريبا؛ ممكن تزودها جنيه أو تنقصها جنيه و ذلك فى حدود المعقول. أما إذا بالغ السواق فلا تعطيه اللى عايزه إلا لو إنت عايز من قبيل المساعدة و طبعا ده لو هو مطلبش.
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=
8 - الفكرة السائدة لدى العديد من الناس إن اللى ذاكروا عملوا إيه؟ دى فكرة كلها سلبية و خالية من الصحة بالمرة؛ لإن الإنسان مش بيذاكر علشان يشتغل بس لإنه لو كان كده فيبقى نص البنات مش هتذاكر لأن زوج المستقبل ممكن فى الغالب ميخليهاش تشتغل و بالتالى ضاع السبب اللى بتذاكر علشانه و تسقط أحسن.
و كمان لو إحنا بنذاكر علشان الشغل بس يبقى مش هنذاكر كلمة لو إشتغلنا سواء قبل ما نتخرج أو بعد ما نتخرج لإن فى ناس بتشتغل و هيا فى الكلية.
إحنا المفروض إننا بنذاكر علشان إحنا عارفين و مدركين أهمية العلم لنهضة بلادنا و هنفضل نتعلم إن شاء الله سواء إشتغلنا أو لأ و سواء إتجوزنا أو خلفنا أو ......... إلخ من الأسباب اللى المفروض متوقفناش عن المذاكرة و طلب العلم.
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=
9 - طبعا شلبى غلطان فى سكوته على الناس اللى شغاله رغى لإنه ممكن يطلب منهم إنهم يبطلوا كلام شوية أو يوطوا صوتهم شويتين و بالتالى لو عندهم دم هيبطلوا كلام أما لو طلع معندهمش دم يبقى عليه إنه يكتب ورقة و يبعتها للدكتور و هو يتصرف معاهم.
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=
10 - سكوت شلبى على العيال اللى بيعاكسوا البنتين ده غلط و لكن قبل ما يتهور لازم يتأكد إن البنتين فعلا محترمين بمعنى تانى مش ماشيين فرحانين بنفسهم علشان جريين العيال وراهم و مخلاينهم يعاكسوهم؛ البنات اللى من الصنف اللى بتحب تتعاكس و تعمل المستحيل علشان تتعاكس محتاجة ................ بس كفاية كدة عليهم.
لكن إذا كانوا من النوع المحترم اللى ماشى فى حاله لكن هتعمل إيه لقلة الأدب بتاعة العيال اللى بيعاكسوهم؛ ففى الحالة دى لازم يدخل من غير ما يعمل مشاكل علشان ما يعالجش مشكلة بمشكلة أكبر و يجب ألا يلجأ للعنف إطلاقا.
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=
11 - ركوب شلبى الأتوبيس المكيف و يفضل قاعد و يتجاهل الست العجوزة -أو حتى لو مش عجوزة- واقفة ده غلط كبير، لازم يقف هو و يقعدها مكانه دول حتى بيقولوا البركة بالشباب.
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=
12 - سكوته هو و الناس اللى واقفين مستنين الأسانسير اللى شغال -علشان التانى باظ من كتر هبد الباب- على ميدو اللى هبد الباب بتاع الأسانسير وراه! مع إن الأسانسير التانى باظ من كده، يعتبر غلط كبير جدا لإن ده هيبوظ الأسانسير اللى فاضل كمان! و بعد كدة يبقوا ينزلوا على السلم علشان يتحملوا نتيجة سلبيتهم.
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=
13 - كون شلبى يتهور و يجيب إحدى القنوات الإخبارية و يقعد يشوف الأخبار و كمان يدوب هما خمس دقايق و يغير القناة و هو بيقول "مفيش فايدة عمرنا ما حنتغير أو نتقدم و هنفضل طول عمرنا عايشين فى فساد و جهل و تخلف" . ده أكبر غلط لإنه المفروض يكون متابع للأحداث اللى بتحصل من حوليه لكن واضح إنه مش متابع و الدليل إنه إتهور و جاب القناة مش فتح يشوفها متعمدا.
أما حكاية مفيش فايدة و إننا عمرنا ما هنتغير و نتقدم دى أكبر مشكلة؛ لإننا بنثبت لنفسنا إننا مش هنتغير و بندعم رأينا باللى بنشوفه من حولينا مع إن ده غلط كبير من الناحية العلمية لإن بالطريقة دى هترسخ الكلمة فى عقلنا اللى بمرور الوقت هنؤمن بيها و الأكتر من كدة إننا بنقولها قدام الأطفال علشان يصدقوا هما كمان و يتقبلوا الأمر الواقع و يبقوا إنهزاميين و يزيد البلة طين قال يعنى هيا ناقصة مش كفاية إحنا!!!
يا شباب لازم تعرفوا إننا هنتقدم هنتقدم إن شاء الله لكن المشكلة هيا مشكلة توقيت! بمعنى إمتى هنتقدم؟ و علشان كدة لازم تعملوا اللى المفروض تعملوا اللى عليكم علشان ننهض و نتقدم و على فكرة مفيش حاجة بتيجى من الهوا أو بتيجى بالساهل لازم إحنا اللى نسعى ليها! و هقولكم كام حكمة جمال جدا أحب أفكركم بيهم:
* إن السماء مش بتمطر دهب لازم إنت اللى تتعب و تطلعه من الأرض،
* و إن المفروض إننا نصوب على القمر علشان لو أخطأنا نصيب النجوم،
* و إن فى ناس إتولدت و لاقيت عندها مدرج ينطلقوا منه للسماء فلو معندكش إبتدى و إبنى واحد علشان تطير إنت كمان،
* و إن مهما كان الليل صعب و طويل بيجى وراه النهار،
* و إن مشوار الألف ميل بيبدأ بخطوة واحدة.
و على فكرة الكلام ده بجد مش كلام إنشا و خلاص.
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=
14 - فكرة إنى أخاف إن الناس تتريق عليا علشان بقول الصح و بنصحهم به دى فكرة غلط و سلبية فى حد ذاتها؛ لإن المفروض إنك صاحب حق فالمفروض متخفش و متتكسفش من طلب حقك أو إنك تقول للناس عليه. و على فكرة إنت لما بتنصح صحابك إنت بتنصحهم علشان بتحبهم و خايف عليهم مش علشان بتتمنظر عليهم مثلا. و برده فى نقطة مهمة أحب أقولكم عليها و هيا إننا المفروض نعرف إحنا هننصح مين لإن كل واحد لو نصح اللى يقدر ينصحهم المجتمع كله هيتصلح؛
بمعنى إنك لو نصحت أخوك، أختك، أصحابك، زمايلك، اللى عايشين معاك فى محيطك، اللى أنت بتفهمهم و بيفهموك؛ و كل واحد عمل زيك، المجتمع كله هيتصلح و يبقى إيجابى. مش تيجى على واحد شكله مسجل خطر و تنصحه و تقولى شتمنى أو تيجى على واحد ظريف و تنصحه فيتريق عليك!!
و زى ما إنت مش هتقدر تنصح الناس دى هما بردو مش هيقدروا ينصحوك فى أى تصرف هتعمله غلط و بالتالى كل واحد عليه إنه ينصح الناس اللى يقدر ينصحهم. أنا مش عارف إذا كنتم فهمتونى و لا لأ؟ بس أتمنى إنكم تكونوا فهمتونى صح!!
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=
15 - أما فكرة هو أنا اللى هاصلح الكون! أيوة ياسيدى إنت و أنتى و أنا إن شاء الله اللى هانصلح الكون و لذلك خلقنا بضم الخاء علشان نعمر الأرض. و على فكرة لو كل واحد بدأ بنفسه الكون هيتغير و هنبقى متقدمين و ننهض ببلادنا!!
| |
|
خاطب الحور
co-admin
عدد الرسائل : 107
العمر : 37
تاريخ التسجيل : 24/02/2009
| | موضوع: رد: حملة أنا مش سلبى 2 الجمعة مارس 20, 2009 4:14 pm | |
| | |
|
